Belgorod

Belgorod (rusianeg: Белгород, ukraineg: Білгород) zo ur gêr, kreizenn velestradurel Oblast Belgorod, e Rusia, lec'hiet e-kichen ar Stêr Seversky Donets, war-dro 40 kilometr diouzh harzoù Ukraina. Ar boblañs a zo 339 978 (hervez sifroù 2021).

Istor

XXvet kantved

Ar galloud soviedel en doa savet kêr d'ar 26 a viz Here (8 a viz Du) 1917. D'an 10 a viz Ebrel 1918, unvezioù al Lu impalaeriel Alaman o devoa aloubet kêr. Goude ma voe echuet sinadur Skrid-emglev Brest-Litovsk d'an 9 a viz C'hwevrer 1918 al linenn harz a dremene norzh kêr. Belgorod a oa deuet da vezañ ul lodenn eus ar Republik nevez embannet Republik Poblel Ukrania (C'hwevrer betek Mae 1918) ar Stad ukrainat renet gant Hetman Pavlo Skoropadskyi.

XXIvet kantved

Meur a dagadenn pe obererezh brezel a zo bet e Belgorod aboae lañs Aloubadeg Ukraina gant Rusia e 2022, Belgorod a oa deuet da vezañ ur greizenn poellerezh lu rusian. D'ar 1añ a viz Ebrel 2022 daou Mi-24 ukrainan o devoa taget kêr ha tennet war ur mirva dour-tan. Plantet a oe bet tan ennañ.

D'an 20 a viz Ebrel 2023, ur c'harr-nij Rusian Su-34 en doa bet laosket ur vombezenn da gouezhañ war kêr. Ur c'hrater 20 metrad a oa bet ha gloazet a oa bet daou zen. D'an 22 a viz Ebrel, tro 3000 anneziad a oa bet digêriadeget pa oa bet kavet ur vombezenn didarzh. Chomet eo dianavezet ma oa bet ur vombezenn eus ar memes nijerez.