Carina

Carina zo un anv-badez danek, italianek ha portugalek ivez.

Gerdarzh

Lod a gred e teu eus an italianeg, eus ar ger cara, ker, gant un dibenn-ger bihanaat -ina. Gwir eo ez eus meneg eus ar stumm Carino evit ar baotred, hag eus an anv latin Carinus.
Marteze avat n'eo nemet un adstumm eus Karin, gant un dibenn -a, hag ur c'hemm etre al lizherennoù C ha K, evel ma c'hoarvez gant anvioù-badez all, Carolina /Karolina, Carla/Karla, ha re all. Ha gouzout a reer e teu Carin, Karin, ha Karina, eus an anv Katharina.

E gwirionez e c'hall daou anv, e broioù disheñvel, ha disheñvel o orin, bezañ heñvelson ha dont da vout kemmesket e spered an dud.

Stummoù all

Carino, anv italianek

Yezhoù all

Karina, en alamaneg

Tud

Carina Beduschi e 2006.

Carina Beduschi, Miss Brazil e 2005, gizourez vrazilian
Carina Christensen, politikourez danat
Carina Gödecke, politikourez alaman
Carina Lau, aktourez sinaat
Carina Ljungdahl, neuierez svedat
Carina Massone Negrone (1911 – 1991), markizez italian hag aerlomanez
Carina Raich, skierez aostrian.

Carina Christensen

Carina Wiese, ganet e 1968, aktourez alaman

Lec'hanvadurezh

Aostralia

Steredoniezh

Ar steredeg Carina (steredeg),
An asteroidenn (491) Carina