Claire Bretécher

Claire Marie Anne Bretécher (Naoned, 17 a viz Ebrel 1940 - Pariz, 11 a viz C'hwevrer 2020) a oa un dresourez hag ur senarioerez bannoù-treset.

Buhez

E 1963 e krogas gant ar vicher dre genlabourat gant René Goscinny. Etre 1965 ha 1966 e labouras evit ar gazetenn Tintin. Adalek 1969 e labouras evit ar gelaouenn Pilote, ma krouas an dudenn anvet Cellulite.

Etre 1969 ha 1971 e labouras evit ar gelaouenn Spirou. D'ar mare-se e kemmas he doare da dresañ, a droas da zamheñvel ouzh hini Reiser.

E 1972 e krouas l'Écho des savanes asambles gant Marcel Gotlib ha Mandryka. Perzh a gemeras ivez en ur gazetenn ekologour miziek anvet Le Sauvage. Adalek 1973 e krogas da labourat evit ar gelaouenn Le Nouvel Observateur. E 1981 e paouezas da genlabourat ganti, met er gelaouenn-se e voe embannet he bannoù_treset en-dro e-pad an hañv 2008.
Al lodenn vrasañ eus hec'h albomoù he deus lakaet embann hec'h-unan.

Ar prederour Roland Barthes (1915-1980) he lakaas da wellañ sokiologourez ar bloaz e 1976.

Oberennoù

Cellulite

• 1972 Les états d'âme de Cellulite
• 1974 Les angoisses de Cellulite

Les Frustrés

• 1975 Les Frustrés
• 1977 Les Frustrés 2
• 1978 Les Frustrés 3
• 1979 Les Frustrés 4
• 1980 Les Frustrés 5

Agrippine

1988 Agrippine 1991 Agrippine prend vapeur 1993 Les combats d'Agrippine 1995 Agrippine et les inclus

1998 Agrippine et l'ancêtre 2001 Agrippine et la secte à Raymonde 2004 Allergies'

E-maez dastumad

1973 Salades de Saison 1976 Les Gnangnan 1977 Baratine et Molgaga 1977 Le bolot occidental 1977 Fernand l'orphelin.

style="padding-left:30px;" 1978 Le cordon infernal 1980 La vie passionnée de Thérèse d'Avila 1982 Les mères 1984 Tourista 1984 Le destin de Monique

1985 Docteur Ventouse, bobologue 1986 Docteur Ventouse, bobologue 2 1996 Mouler, démouler 1999 Moments de lassitude

Liammoù diavaez

• Lec'hienn ofisiel
• Diskouezva