Comic Book Legal Defense Fund
| Comic Book Legal Defense Fund | |
|---|---|
|
|
| Banniel ar CBLDF ha poltred penn an aozadur | |
| Krouidigezh | 1990 |
| Padelezh | 1990 - Bremañ |
| Sujidigezh | Aozadur digorvo |
| Doare | Embanner Gwerzher |
| Ger-stur | "A greater force for good" (Un nerzh kreñvoc'h evit ar mad) "Support the CBLDF" |
| Lec'h pennañ | Northampton |
| Bro |  Stadoù-Unanet Amerika
|
| Anvioù all | "CBLDF" |
| Pennoù | Susan Alston Charles Brownstein |
| Lec'hienn internet | www.cbldf.org |
kemmañ  |
|
Ar Comic Book Legal Defense Fund berraet e CBLDF a zo un aozadur digorvo krouet e 1990 gant ar pal pennañ da zifenn 1añ amandamant Stadoù Unanet Amerika evit krouerien, embannerien ha gwerzherien ar vandennoù-dreset[1]
Krouet eo bet an aozadur Comic Book Legal Defense Fund dindan un doare ofisiel er bloavezh 1990 memes ma oa bet kroget al labour abaoe 1986 hag afer Michael Correa.
Kefridioù ar CBLDF kemmañ
Liestachenn ez eo ar Comic Book Legal Defense Fund. Difenn ar 1añ amandamant amerikan evit bed ar bandennoù-treset a zo ar c'hefridi pennañ, brudañ ar c'hudennoù hag a-sav tro-dro, mont dre ar skolioù evit displegañ pouezhusted an amandamant-se.
An aozadur a zegad harp d'an embannerien pe d'an aozourien dre an arc'hantaouiñ, embann an oberennoù difennet hag o werzhañ, reiñ a reont ivez kuzulioù a-fed Gwir betek kas alvokaded da zifenn an aferioù grevusañ.
Ouzhpenn da-se ar CBLDF a c'hell embann pe gwerzhañ oberennoù difennet.
Liammoù kengred kemmañ
Aozadurioù kemmañ
D'an 23 a viz Gwengolo 2015 ez eo bet roet harp d'an aozadur Comic Book Legal Defense Fund gant an embregerezh Humble Bundle. Ar pal a oa da reiñ an tu d'ar pratikoù da brenañ bandennoù-treset difennet er Stadoù-Unanet dindan ar stumm enlinenn a-benn rastellañ arc'hant evit ar CBLDF hag an aozourien[2],[3].
Ar CBLDF a zo harp d'ar Banned Books Week[4]
Liammoù a zo bet dija etre ar CBLDF hag aozadurioù all evel ar Kids Right to Read Project, an American Library Association pe c'hoazh an Office of Intellectual Freedom.
Aozourien kemmañ
Aozourien e-leizh a zo a-du pe liammet gant ar CBLDF lod anezho o vezañ brudet-mat dre ar bed:
Aferioù brudetañ kemmañ
- 1986: Afer Michael Correa Michael Correa rener ur stal a zo harzet gant ar garg da werzhañ oberennoù hudur[5][6].
- 1991: Afer Paul Mavrides 5 bloaz stourm evit talañ ouzh un tailh nevez war ar vandennoù-dreset Comics[7]
- 2010: Afer Christopher Handley Un dastumer Manga eus Iowa a zo kondaonet da 6 miz toull-bac'h evit bezañ perc'hennet oberennoù manga hudur[8].
Embannadurioù kemmañ
- CBLDF Defender Digital Comics: ur gazetenn elektronek embannet gant ar CBLDF a-benn reiñ an tu da welet stad ar gwir da embann er Stadoù-Unanet ha peseurt aferioù a zo bet harpet gant an aozadur[9].
Liammoù diavaez kemmañ
Notennoù ha daveennoù kemmañ
- ↑ 26/09/2015 Lec'hienn Ofisiel ar CBLDF.
- ↑ 23/09/2015 Lec'hienn ar CBLDF: Humble Bundle a ro harp d'ar Banned Books Week gant bandennoù-treset Comics evit arc'hantaouiñ ar CBLDF!.
- ↑ 23/09/2015 Lec'hienn Comicsalliance.com: Humble Bundle ha CBLDF a ro lañs d'an devezh paeit ar pezh a fell deoc'h evit an dastumad Comics difennet.
- ↑ 23/09/2015 Lec'hienn ar CBLDF: Banned Books Week 2015: Degouezhadennoù dre ar vro a-bezh!.
- ↑ 26/09/2015 Lec'hienn ar CBLDF: CBLDF Case Files — Illinois v. Correa.
- ↑ Susan Alston Censorship In Comics: Is This the United States?.
- ↑ 26/09/2015 Lec'hienn ar CBLDF: CBLDF Case Files CBLDF Case Files – California BOE v. Paul Mavrides.
- ↑ 26/09/2015 Lec'hienn ar CBLDF: CBLDF Case Files – U.S. v. Handley.
- ↑ 15/04/2015 Lec'hienn ofisiel ar CBLDF: Comic Book Legal Defense Fund Defender