Contessina de' Medici

Contessina de' Medici (Pistoia, 1478 – Roma, 1515) a oa merc'h da Lorenzo de' Medici ha da Clarice Orsini.

Ganet e oa e Pistoia ma oa repuet he mamm goude Irienn ar Re Pazzi o devoa klasket lazhañ he zad. Anv he mamm-guñv, Contessina de Bardi, an hini a oa bet roet dezhi. Badezet e voe e miz Genver 1478 hag anvet Contessina Antonia Romola. Karet e oa kalz gant he zad.

Dimeziñ ha bugale

E 1494 e voe dimezet d'ar c'hont palatin Piero Ridolfi. Pa voe anvet he breur da bab, Leon X neuze, ez eas gant he fried da chom da Roma.

Pemp bugel he doe:

1. Luigi Ridolfi (1495-1556), politikour ha kannad
2. Emilia Ridolfi (1497-1514) dimezet d'ar priñs Jacopo V Appiano, Aotrou Piombino , marvet a-raok seveniñ an eured;
3. Clarice Ridolfi (1499-1524) dimezet da Jacopo V Appiano e-lec'h he c'hoar marvet .
4. Niccolò Ridolfi (1501-1550), kardinal
5. Lorenzo Ridolfi ( 1503-1576),

Mervel a reas e 1515 ha beziet en Iliz Sant'Agostino en Roma.

Mojenn

Hervez ur vojenn savet en XIXvet kantved, da vare ar romantelouriezh, e vije bet karet gant Michelangelo Buonarotti.