Costantino Fortunato

Ur pennad Fortunato zo ivez.

Costantino Fortunato zo ur gontadenn italianek gant Giovanni Francesco Straparola en eil levrenn e zastumad Le piacevoli notti 1553 (fablenn XI-1). Kaoz zo enni eus ur gazhez korvigellek hag a deu a-benn da c'hounit pinvidigezh ha dorn ur briñsez d'he mestr divadoù hag a ouenn izel. Gant an danevell-se e c'hallfe bezañ bet awenet ar skrivagner gall Charles Perrault pa skrivas Le Chat botté.