Le piacevoli notti

Le piacevoli notti (An nozvezhioù plijus) zo un dastumad 73 kontadenn italianek bet savet e kreiz ar XVI^vet kantved gant Giovanni Francesco Straparola (1480-1558).

"The Crucifix Comes To Life"
Navet Nozvezh, 6vet Marvailh
Dourlivadur gant E. R. Hughes, 1901
The Italian Novelists, Volume 3

Istor

Da gentañ e voe embannet ul levrad 25 marvailh e 1550 e Venezia. Berzh a reas, hag embannet e voe ul levrad all a 48 marvailh e 1553.
E 1556 e voe dastumet an 73 marvailh en ul levr.

Troet e voe al levr e galleg hag en alamaneg. E 1583 e voe troet e spagnoleg ivez. E 1624 e voe lakaet en Index al levrioù berzet.

Doare

Kregiñ a ra pep nozvezh gant ur madrigal hag un divinadell zo goude pep marvailh.

Levezon

Ar gontadenn Costantino Fortunato eo doare koshañ ar marvailh Kazh e heuzoù, gant Charles Perrault.
Darn eus ar c'hontadennoù all a voe adskrivet goude er Pentamerone, oberenn Giambattista Basile, embannet tostik da gant vloaz goude, etre 1634 ha 1636, ha doareoù all anezho a gavor e kontadennoù Grimm (1812-1815).

Kontadennoù

Ar c'hontadennoù-mañ e levr Straparola zo bet brudet ivez gant Giambattista Basile (1575-1632) en italianeg, gant Marie-Catherine d'Aulnoy (1651-1705) ha Charles Perrault (1628-1703) e galleg, gant Carlo Gozzi, ha gant Jacob ha Wilhelm Grimm en alamaneg. Setu darn eus ar re vrudetañ:

• 1.2, “Cassandrino” ( "Der Meisterdieb" gant Grimm )
• 1.3, “Pre Scarpacifico” ("Das Bürle" gant Grimm).
• 1.4, “Tebaldo e Doralice” ("Il Orso" gant Giambattista Basile ; "Peau d'Âne" gant Charles Perrault; "Allerleirauh" gant Grimm)
• 2.1, “Il Re Porco” ("Prince Marcassin" gant d'Aulnoy', "Hans mein Igel" gant Grimm)
• 3.1, “Pietro Pazzo” ( "Peruonto" gant Basile; "Le Dauphin" gant Marie-Catherine d'Aulnoy ; "Hans Dumm" gant Grimm)
• 3.3, “Biancabella e la biscia sua sorella” (elfennoù eus "La Penta mano-mozza"" ha "Le doie pizzelle" gant Basile)
• 3.4, “Fortunio” (elfennoù eus "Die Nixe im Teich" gant Grimm)
• 4.1, “Costanza / Costanzo” ( "Belle-Belle ou Le Chevalier Fortuné" gant d'Aulnoy', "Sechse kommen durch die ganze Welt" gant Grimm, KHM 71)
• 4.3, “Ancilotto, re di Provino” ( "De drei Vügelkens" gant Grimm; "Princesse Belle-Etoile" gant d'Aulnoy ; L'augellino bel verde gant Carlo Gozzi; "The Dancing Water, the Singing Apple, and the Speaking Bird" gant Crane zo troet diwar ur gontadenn sikilianek dastumet gant Giuseppe Pitré, Pitré a ro anv ar gonterez: [Rosalia] Varrica.</ref> ha lakaet e saozneg gant Thomas Frederick Crane en e Italian Popular Tales. Da dostaat ouzh ur gontadenn dastumet gant Fañch an Uhel anvet Teir merc'h ar baraer, pe an dour a dañs, an aval a gan hag Evnig ar Wirionez, e Kontadennoù ar Bobl (levrenn III);
• 5.1, “L'uomo salvatico” ( "Der Eisenhans" gant Grimm)
• 5.2, “Adamantina” ("Ar Waz" gant Basile ; "Die goldene Gans" gant Grimm)
• 7.5, “An Tri Breur” ("Ar Pemp Mab" gant Basile; "Die vier kunstreichen Brüder" gant Grimm)
• 8.4, “Maestro Lattantio and His Apprentice Dionigi” ( "De Gaudeif un sien Meester" gant Grimm)
• 10.3, “Cesarino di Berni” ("Lo mercante" gant Giambattista Basile ; "An Daou Vreur" gant Grimm)
• 11.1, “Costantino Fortunato” ( "Cagliuso" gant Basile; "Le Chat botté" gant Perrault).

Pennadoù kar

• Kontadennoù Grimm

Skridoù enlinenn

En italianeg

• Le piacevoli notti er wikisource italianek.
• Biancabella e la biscia sua sorella
• Doralice
• Ortodosio Simeoni
• Le piacevoli notti, Libro primo, Notte terza, Favola I. – (en intratext.com).

En yezhoù all

• (fr) Les Facecieuses Nuictz du Seigneur Jan François Straparole, troet gant Jean Louveau, Guillaume Rouille, Lyon, 1560. Voir « Troisieme Nuict, Fable premiere », p. 152-164. – En ligne sur Google Books. – N'eus nemet ar 5 nozvezh kentañ avat, troet fall a-wechoù, ha marvailhoù zo a deu eus an oberour alamanek Bebel.