Des Knaben Wunderhorn

Ur pennad Des Knaben Wunderhorn (Mahler) zo ivez.

Des Knaben Wunderhorn. Alte deutsche Lieder, pe Korn hud ar bugel, zo un dastumad Volkslieder, pe kanaouennoù-pobl alamanek, darn anezho ken kozh ha dibenn ar Grennamzer. Embannet eo bet teir levrenn an oberenn e Heidelberg, e Dugelezh-veur Baden, etre 1805 ha 1808, gant an daou varzh romantel alaman, Clemens Brentano ha Ludwig Achim von Arnim. Heuliañ a raent neuze skouer Goethe ha Herder, a oa troet-kaer gant ar varzhoniezh-pobl.

Pouez

D'ur mare ma oa rannet Alamagn hag aloubet gant armeoù gall Napoleon e kinnige al levr gweledigezh un Alamagn unvan dre ar yezh hag ar sevenadur. Goethe, pouezusañ skrivagner alamanek e amzer, a lavaras « e ranke Des Knaben Wunderhorn kaout e lec'h e pep ti ». Gwelout a c'haller gwelout en embannadur-se gwrizioù an emsav unvaniñ ar vroad alaman hag an hollc'hermanegezh.

Labour personel

Arnim ha Brentano, evel ar Saoz Thomas Percy, a gemmas ar skridoù hervez o soñjoù war ar varzhoniezh ha war ar yezh, da glotañ gant ar yezh vodern. Sevel a rejont ivez un toullad eus ar c'hanoù.
Ne voent ket tamallet ken garv abalamour da se ha ma voe Kervarker e Breizh.

En XXvet kantved ez eus bet un embannadur gant Heinz Rölleke hag a gont istor pep kan^[1].

Sonerezh

Pezhioù zo eus an oberenn zo bet savet sonerezh dezho gant tud evel Weber, Mendelssohn, Schumann, Loewe, Brahms ha Zemlinsky.

Unan eus levrioù muiañ karet Gustav Mahler e oa an oberenn ha sevel a reas tonioù evit kalz anezhe a-hed e vuhez.

Des Knaben Wunderhorn ha sonerezh

Dibabet e voe kanoù-pobl an dastumad, klevet e genoù ar bobl pe kavet el levrioù kozh, en sell da seveniñ ur gefridi sevenadurel, hervez soñj Arnim : diskouez ha daskor d'ar bobl teñzorioù he barzhoniezh berniet ganti a-hed ar c'hantvedoù. Brentano avat eo al labour arzel a oa a-bouez dezhañ.

Levezon

Gant an oberenn-se eo bet levezonet ar remziadoù barzhed deuet en he goude (Eichendorff, Uhland, Mörike, Geibel, Heine, Lenau) ha sonaozourien e-leizh (Weber, Schubert, Schumann, Brahms, Mahler, R. Strauss).
Evel kontadennoù Grimm he deus awenet skrivagnerien all ivez dre Europa, hag e Breizh ivez.

Breizh

Skouer Brentano hag Arnim eo a voe heuliet gant Kervarker, ganet e 1815, pa savas Barzaz Breiz, embannet e 1839.

Notennoù

↑ von Arnim, Achim & Brentano, Clemens (1987), Rölleke, Heinz, ed., Des Knaben Wunderhorn, Stuttgart: Reclam

Levrlennadur

En alamaneg

Arnim, Achim von; Brentano, Clemens (Hgg.): Des Knaben Wunderhorn. Alte deutsche Lieder, 3 Bde; Tübingen: J. C. B. Mohr, 1926; Nachdruck der Ausgabe: Heidelberg: Mohr und Winter, ²1819
Arnim, Achim von; Brentano, Clemens (Hgg.): Des Knaben Wunderhorn. Alte deutsche Lieder; hrsg. von Heinz Rölleke; Frankfurt am Main; Leipzig: Insel-Verlag, 2003; ISBN 3-458-17150-9

Yezhoù all

(fr) Le Cor merveilleux de l’enfant, Le Petit Véhicule, Le carré de l'imaginaire, 2002.

Liammoù diavaez

Pennadoù kar

[1] von Arnim, Achim & Brentano, Clemens (1987), Rölleke, Heinz, ed., Des Knaben Wunderhorn, Stuttgart: Reclam

[1]