Det sjunde inseglet

Det sjunde inseglet, pe Ar seizhvet siell, zo ur film gant Ingmar Bergman.

An istor

Er XIVvet kantved emañ ar vosenn oc'h ober he reuz e Sveden. Ur marc'heg hag e skoedour a zo o tistreiñ eus ar brezel. War un aod en em gavont gant an Ankou. Kinnig a ra ar marc'heg ober ur c'hoariadenn echedoù, evit hiraat e amzer, ha kavout ur respont d'e c'houlennoù trabedek. Pelloc'h ez eus termajied o treuziñ ur vro en anken.