Jean-Marie de Lamennais : diforc'h etre ar stummoù

Goude bezañ bet beleget d'ar 25 a viz C'hwevrer 1804 en Roazhon e ya da gure en iliz-veur [[Sant-Maloù]], war ar memes-tro e vez kelenner war ar [[Feizoniezh]] er seminaer ha vikel-vras. Skuizh-divi e vez dre al labour fonnus a vez da gas da benn, rediet e vo da baouez ha da vont da repuiñ war douaroù ar familh. Adkavout a ra e vreur yaouankañ Felisite ha gantañ e kasont ar preder war stad an Iliz en o amzer hag ar cheñchamantoù ret a vije da zegas. Adkregiñ a ra gant e gargoù en Iliz met siwazh fall e ya an traoù gantañ, dre urzh Napoleon ez eo serret ar seminaer ha dre ar blokus-kevandirel ez eo rivinet ar familh De La Mennais. Mont a ra a-du gant goulenn eskob [[Sant-Brieg]], dont a ra Yann-Vari da vezañ e sekretour.

Penn-kentañ ar bloavezh 1815 eskob Sant-Brieg a ya da anaon. Da 35 bloaz en em gav neuze Yann-Vari De La Mennais e penn an eskopti. E-pad pemp bloaz e vezo adkavet o vont dre hentoù e eskopti dizehan oc'h adurzhiañ pep tra: ar seminaerioù, ar manatioù, kemer a ra penn meur a vision war-zu ar bobl munut... Amañ e vezo bammetbamet gant stad truezus ar yaouankiz, ar c'hudennoù feulster graet dezho pe graet ganto, an niver bras a emzivaded laosket da vont gant hent ar strad. Sur ez eo bremañ Yann-Vari De La Mennais gant daou a dra. Ret ez eo groñs da vont etrezek ar yaouankiz evit he saveteiñ ha gwellaat he stad truezus, ouzhpenn da-se an deskamant ez eo a vez ar voger wellañ d'ar yaouankiz evit chom hep kenderc'hel da vont etrezek an hentoù hudur dazont ebet ganto.