Chekenn vrezhonek : diforc'h etre ar stummoù

E 1980 e oa krog brezhonegerien zo eus [[Roazhon]] da vont da zebriñ [[pizza]] d'ur [[preti]] [[italian]] goude ar gentel vrezhoneg ha da skrivañ [[brezhoneg]] war o [[chekenn]]où. Hag aet e oant da c'houlenn ouzouzh o [[bank]]où embann chekennoù brezhonek.

E 1982 e voe kaset an Tregeriad Gilles Bernard, eus Gwengamp, dirak al [[lez-varn]], dre m'en doa beajet en tren hep bilhed met gant ur chekenn vrezhonek siellet en ur mekanik pa oa bet nac'het gant an SNCF degemer ar chekenn vrezhonek-se ha reiñ e vilhed dezhañ.

Chekennoù divyezhek e oant da gentañ. Daoust da se n'o deus ket graet berzh bras. Koulskoude, pa oant divyezhek e oa un arguzenn vat: n'eus forzh pehini eus an div yezh a c'haller skrivañ war ar chekennoù divyezhek, setu ez int graet evit an holl, gallegerien koulz ha brezhonegerien. N'eus ket bet klasket brudañ ar chekennoù nemeur ivez en aozadurioù brezhonek, nemet gant deiziataer Skol an Emsav. Abalamour da se marteze eo n'eo ket aet war-raok niver an implijerien. Un nebeudig kelennerien vrezhonek a laka o skolidi da skrivañ chekennoù brezhonek e-pad ar c'hentelioù.

Peurvrezhonekaet eo ar chekennoù divyezhek abaoe ur pennadig ( da resisaat).