Geriadur brezhoneg : diforc'h etre ar stummoù

A-raok 1995 ne oa nemet ur geriadur brezhonek, diechu, Geriadur Brezhonek [[Roparz Hemon]], bet embannet a dammoù er gelaouenn [[Ar Bed Keltiek]], renet gant Roparz Hemon. Met ne oa geriadur ebet eus ar brezhoneg e brezhoneg penn-da-benn.

E 1995 e voe nevezinti evit hon yezh, gant embannadur ar c'hentañ geriadur e brezhoneg graet gant [[An Here]], ul labour renet gant [[Jean-Yves Lagadeg]] ha [[Martial Ménard]]. ''Geriadur brezhoneg'' e oa e anv, 10 000 pennger gant skouerioù ha troiennoù, ha skeudennet gant Jean-Yves André. Hemañ eo ar geriadur unyezhek kentañ bet moullet en hor yezh. Un oberenn istorel eo a laka, evit ar wech kentañ, ar Vretoned da vezañ gouest de zisplegañ o yezh dre an diabarzh hep bezañ rediet da dremen dre hanterouriezh ur yezh all. Un oberenn stroll eo an oberenn-mañ bet savet gant tud a-vicher, ha gant reolennoù micher ar geriaduriñ, evit ar wech kentañ.