Raymond Delaporte : diforc'h etre ar stummoù

Genidik e oa Raymond Delaporte eus Kastell-Nevez ar Faou. Daou vreur en doa, [[Herve Delaporte]] hag [[Yves Delaporte]], anavezet o-daou ivez, en emsav broadel breizhek. Mont a reas da skol-veur [[Angers]] d'ober e studi war ar [[Gwir (lezenn)|Gwir]]. Da ugent vloaz e lakaas e anv e [[Strollad Emrenerien Vreiz]]. E [[1932]] e savas ''[[Breuriez ar Brezoneg er Skoliou]]'', asambles gant tud evel [[Yeun ar Gow]], evit kas ar brezhoneg war-raok er skolioù kristen. E miz Meurzh [[1938]] e voe anvet da rener ar strollad [[Bleun Brug]]. Dilezel a reas renerezh ar Bleun-Brug e miz Kerzu [[1940]], pa voe galvet da gemer penn [[Strollad Broadel Breizh]] e-lec'h [[Olier Mordrel]].

Labourat a reas da frammañ gwelloc'h Strollad Broadel Breiz, betek [[1944]]. Tec'hout a reas Raymond Delaporte e fin ar brezel da vont da [[Iwerzhon]], hag e vreur [[Yves Delaporte]] eda [[Bro-Skos|Vro-Skos]]. Kondaonet e voe e miz Mae [[1947]] da 20 vloaz galeoù met didamallet e voe diwezhatoc'h, pa reas engalv a-enep ar varnadenn-se.

Chom a reas e vuhez-pad en Iwerzhon : eno e reas skol,kelennas en ur skol brevez da gentañ hag e skol-veur [[Korkig]] da c'houde. D'ar mare-se e troas e saozneg levr-skol [[Per Denez]], ''Brezhoneg buan hag aes'', ha sevel a reas ur geriadur brezhoneg-saozneg kentañ. Ur wech war e leve e tistroas da Vreizh hag e labouras war ur geriadur brezhoneg-saozneg bras, gant skouerioù. Mervel a reas er C'hastell-Nevez d'ar 7 a viz Du 1990.

Un istorour e oa ivez Raymond Delaporte. Labouret en devoa war istor [[Kastell-Nevez-ar-Faou]] evel e dad.<br>

Setu tresadennoù gant an tad bet embannet e [[1909]] er ''Bulletin de la Société préhistorique de France Société préhistorique française''.

Restr:Le camp fortifié de Lesneven (d'après Delaporte).jpg|Kamp-kreñv Lesneven.

Restr:L'enceinte de Rosabaouen.jpg|Ar C'hastel Rosabaouen.

==== Levrioù ====

*Raymond Delaporte, ''Elementary Breton-English Dictionary''., Cork University Pesss, 1979. Advoulet; advoullet e 1986 ha 1992.

*Raymond Delaporte, ''Elementary English-Breton Dictionary''., [[Mouladurioù Hor Yezh]], 1990.

*Raymond Delaporte, ''Elementary Breton-English and English-Breton Dictionary''., Mouladurioù Hor Yezh, 1995. An; an div levrenn unanet en ul levr.

*Remon ar Porzh, ''Geriadur brezhoneg-saozneg gant skouerioù'', 3 levrenn embannet : A-B, CH-C'H-D, E-F-G, Mouladurioù Hor Yezh, 1986, 1989, 1993 ; sinet « Remon ar Porzh ».

* [[L'Heure Bretonne]] Even 1940 - Even 194419440.

* [[War du ar pal]], ''Dastumadenn studiadennoù diwar-benn Breiz, Revue d'études bretonne'', miz C'hwevrer 1938 ha miz Eost 1939.