Peter Parler : diforc'h etre ar stummoù

E dad anvet [[Heinrich Parler]] (diwar ''parlerius'', an hini a gomz hag an hini e penn ar vañsonerien) a oa mestr savour. Kuitaat a reas [[Schwäbisch Gmünd]] hag ez eas da [[Köln|Göln]], ma voe e penn chanter adsevel iliz ar Groaz santel. Meur a zen eus familh Parler a labouyras war dachenn ar savouriezh en [[Europa]].

Peter Parler a voe lakaet da bennvañsoner iliz-veur Sant Vita e [[1352]], goude marv an trisavour kent, [[Matthias Arras]] e anv. Ouzhpenn ober war-dro an iliz-veur e voe e penn chanter aozañ kêr nevez Praha (tchekeg : ''Nové Město'') hag e reas war-dro [[pont Charlez]] hag an tourioù a zo e penn ar pont. Parler a savas ivez Chapel an Hollsent e palez ar roue e [[kastell Praha]]. Goude tangwall [[1541]] e voe adkempennet en doare barok.

Soñjal a reer ivez e voe tisavour iliz Itron Varia (''Frauenkirche'') [[Nürnberg]] a voe savet war blasenn marc'had Nürnberg da gemer plas ar sinagogenn a voe devet goude pogrom [[1349]]. Etre [[1360]] ha [[1378]] e savas Parler chantele iliz sant Bartolome e [[Kolín]]. Mervel a reas e [[Praha]] e [[1399]], ha douaret e voe e iliz-veur Vitus. E vibien, [[Wenzel Parler|Wenzel]] a [[Johann Parler|Johann]] a gendalc'has gant e labour.

E [[1988]] e voe dizoloet un asteroidenn gant [[Antonín Mrkos]], hag anvet e voe asteroidenn [[6550 Parléř]] da enoriñ Peter Parler.

Image:BadWilsnackWunderblutkircheWoepelitz.jpg|An eskob Johann Wöpelitz, delwenn e Wunderblutkirche e Bad Wilsnack