[[File:Marie_Kastilie.jpg |thumb | María Kastilha, rouanez Aragon. ]]
'''Maria Kastilha''', pe '''María de Castilla''' e spagnoleg (1401-1458), a oa infantez a Gastilha, merc'h henañ ar roue [[Enrique III]] ''el Doliente'' hag e bried ''Catalina de Lancáster'', ha dre-se c'hoar henañ ar roue [[Juan II Kastilha|Juan II]].
Dimezet e oa da [[Alfonso V Aragon]].
==He buhez==
Ganet e oa e kêr [[Segovia]], ha bugel henañ he zud e oa. [[María de Ayala]], leanez ha bastardez ar roue [[Pedro Iañ Kastilha]] e oa he maeronez. Savet e voe en un ti renet gant Kastilhaned, ma chomas betek hec'h eured, un dra divoas d'un infantez hag a oa da zimeziñ d'ur priñs estren. Pedro González de Mendoza, Senesal Meur ar rouantelezh, an hini a reas war-dro e zeskadurezh. Inés de Ayala y Toledo, itron Casarrubios del Monte, a oa he gouarnerez. Evel merc'h henañ e voe anvez da briñsez Asturiez.
