Yeun ar Gow : diforc'h etre ar stummoù
Endalc’h diverket Danvez ouzhpennet
Diverradenn ebet eus ar c'hemm |
|||
Linenn 3:
Ganet eo d'ar 7 a viz Here 1897 e [[Pleiben]] ha marvet d'an 22 a viz C'hwrevrer 1966 e [[Gouezeg]] abalamour d'an [[diabet]] (kleñved ar sukr). Ouzhpenn da se e oa peuzdall abaoe un nebeud bloavezhioù 'oa. Mab e oa da Yeun ar Gow ha da Varijanig Gwilhoù, o-daou genidik eus Pleiben (Penn-ar-Bed). E-pad e vugaleaj, pa voe-eñ pemp pe c'hwec'h vloaz, e voe reutaet e c'har e-kerzh ur gwallzarvoud hag e voe rediet da chom gourvezet e-pad ur maread hir a-walc'h. E-plas mont da c'hoari mell-droad e chome da lenn levrioù er gêr. A-drugarez da se, en ur mod, eo deuet da vezañ gouiziek-tre. Ur beleg eus Pleiben a zesachas evezh Yeun ar Gow war ar brezhoneg ha traoù ar vro.
E desteni-studi gantañ, e chomas er gêr da skoazellañ e vamm intañvez abaoe 1907. Ur pennadig amzer war-lerc'h, e reas labourioù bihan er vro a-raok mont da gomis e ti noter ar vourc'h. Damc'houde, ez eas da g[[
Pa oa eno eo e voe kinniget dezhañ studi an Ao. Danieloù e Gouezeg. Anvet e voe da [[noter]] d'an 29 a viz Eost 1927.
E-doug ar bloaz-se ivez, e timezas gant ur plac'h eus Gouezeg anvet Anna Bozeg a varvas un nebeud bloavezhioù war-lerc'h. An amzer o doa bet memestra d'ober tri bugel. E vab a zo bet noter e Pleiben ivez.
E vuhez-pad e klaskas gant daou vignon, [[Remont ar Porzh]] ha [[Frañsez Kervella]], difenn ar yezh en ur embann levrioù e brezhoneg penn-da-benn. Kensevel a rejont ur gevredigezh : «[[Breuriez ar brezoneg er skolioù]]», a c'houlenne gant ar skolaerien kelenn e brezhoneg. E-pad an dalc'hidigezh alaman ne ehanas ket da embann skridoù. Goude ar brezel, e voe kaset da doull-bac'h [[Sant Charlez]] e Kemper abalamour d'e vennozhioù [[broadelour]].
Savet eo bet e brezhoneg penn-da-benn, bevet en deus en un endro brezhoneger hepken ha labouret en deus, ar pep brasañ eus e amzer, e yezh ar vro (er mare-se e ranke an holl notered staliet e maezioù [[Breizh-Izel]] bezañ akuit war ar brezhoneg). Brezhoneger war ar pemdez e oa, gant e familh koulz ha gant e bratikoù.
===Ar skrivagner===
| |||