Enklozadur : diforc'h etre ar stummoù

[[Skeudenn:Enklozadur.png|right|frame|C zo un enklozadur eus A hag un [[ezklozadur]] eus B.]]

 

 

Diwezhat a-walc’h eo deuet keal an enklozadur d'ober e dreuz e [[luc’haj]] an [[diplomategezh]]. Ne vez ket kavet e [[saozneg]] a-raok [[1868]]. Amprestet eo bet ar ger ''enclave'' gant ar yezh-se digant ar galleg a oa yezh an diplomategezh, al [[lingua franca]], d'an ampoent. Ster ar ger er yezhoù-se a zeu eus al [[latin]] diwezhañ ''inclavatus'' a dalvez ''prennet, alc’hwezet'' (eus al latin diwezhañ ''clavis'', alc’hwez). E brezhoneg eo bet savet ar ger diwar ar rakger ''en'' (diabarzh) ha ''klozañ'' (serriñ). Kavet e vez ken abred ha [[geriadur]] [[François Vallée|Vallée]] e [[1931]]. Keal an ezklozadur, diwar ar rakger ''ez'' (diavaez), zo en em zispaket e bed an diplomategezh e-tro 30 vloaz war-lerc’h hini an ''enklozadur''.

 

 

Diaezamantoù fraezh a sav diwar bevañ en un enklozadur. Emglevioù liesseurt zo da vezañ kavet etre meur a vro evit ar [[chomlec’h]]ioù, an [[tredan]] pe ar gwirioù tremenerezh. Setu perak eur tuet da glask en em zizober anezho ha kalz enklozadurioù a oa en amzer dremenet zo bet diverket bremañ.

Stadoù zo a c’hall bezañ enklozet e Stadoù all, war-bouez ul lodennig arvorel bennak eus ar vro a c’hallont drezi en em zigeriñ war-du ar mor bras. Un tamm trepasig n'eo ken koulskoude.

* Ar Stad heverkañ evel-se eo [[Gambia]] a vije enklozet klok e-barzh ar [[Senegal]] paneve ur vandennig 50 km a-hed aod ar [[meurvor atlantel]].

* [[Priñselezh]] [[Monaco]] e [[Frañs]].

Ha pa vefe stok [[Portugal]], [[Republik Korea|Korea]] hag [[Republik Iwerzhon|Iwerzhon]] ouzh ur Stad all hepken, ez eo bras a-walc’h an digor anezho war an doureier etrebroadel evit na vefe ket sellet outo evel ouzh damenklozadurioù. Kemend-all a c’haller lavaret diwar-benn [[Breizh]] e-keñver Frañs.

* Troc’had [[Oecussi-Ambeno]] eus [[Timor ar Reter]] e diabarzh lodenn [[Indonezia|indonezian]] [[Timor]] ([[Timor ar C’hornôg]]) a c’haller diraez dre vor.

* [[Cabinda]], un tamm douar e norzh e vammvro [[Angola]] gennet etre [[Republik Demokratel Kongo]] ha [[Republik Kongo]].

 

Kalz broioù zo dezho troc’hadoù arvorel n'hallont ket bezañ tizhet war-eeun adal ar c’hevandir nemet dre vor pe dre aer. Skouer splannañ an degouezh-mañ eo [[Alaska]] distag eus ar peurrest eus ar [[Stadoù-Unanet Amerika|Stadoù-Unanet]] dre [[Kanada]]. Div lodennig vihan all eus SUA da nebeutañ n'hallont bezañ tizhet nemet dre Kanada : [[Point Roberts]] e gwalarn [[Washington]] hag an [[Northwest Angle]] e [[Minnesota]], ur c’hourenez a hed al [[Lake of the Woods]]. E lodenn su pellañ [[Kroatia]] eo rannet darn eus [[kontelezh]] [[Dubrovnik-Neretva]] eus ar peurrest eus ar vro dre un trepasig moan e [[Bosnia ha Herzegovina]].