Yann Kerlann : diforc'h etre ar stummoù

 

==E vuhez==

Ganet eo '''Jean Honoré Delalande''', '''Yann Kerlann''', e bro [[Vañde]], e-lec'h ma oa e dad en arme, d'an 31 a viz Gouere 1910. Goude marv e dad Frañsez Loeiz Kerlann, abred goude, ez eas da vevañ e Montroulez gant e vamm, Paolina Jozefina Kerbirioù. Aze e tremenas e skoliadur betek 1923. Ebarzhiañ a reas da c'houde skol gentañ-uhel Brest ( 1923-1927 ) ha mont a reas da Londrez da wellaat e saozneg, er Saint-Dustan College ( 1927-1928 ) .

Distroet da Vreizh e teuas da vezañ kelenner e [[Ploveur]] (1930), e Sant-Filbarzh [[Tregon]] (1931) hag e [[Kemperle]] (1932). Goude e amzer soudard, e kendalc'has da gelenn e skol [[Gwiglann|Wiglann]] (1933-1936), e Sant-Wennole [[Penmarc'h]] (1936-1941) hag e [[Kledenn-ar-C'hab]] (Kerzu 1941). Dastum a reas e-pad ar bloavezhioù-se kanaouennoù, kontadennoù, troioù-lavar ha gerioù eus ar parrezioù-mañ. Mignon bras e oa gant [[Yann Sohier]] (sikour a reas anezhañ da grouiñ « [[Ar Falz]] » e 1903) ha gant [[Armañs Keravel]]. Graet eo bet prizoniad e-pad ar brezel. Distroet da Vreizh, e 1941, e tigoras e [[Plistin]] ar c'hentañ skol e brezhoneg skoazellet gant [[Frañsez Kervella]]. Serriñ a reas ar skol e fin ar brezel rak koustañ a rae re ger dezhañ. Heskinet, bac'het ha tennet digantañ e garg a skolaer e skolioù ar gouarnamant, ez eas da Bariz hag implijet e voe gant [[Air-France]], dre ma ouie meur a yezh. Aze e reas anaoudegezh gant [[Roger Gargadenneg]]; e fin e vuhez,e kemeras perzh gantañ en « [[Kêr Vreizh]] » ha rener e voe e 1964.

Goude e varv, d'ar [[16 a viz Kerzu]] 1969, e laoskas war e lerc'h e-leizh a varzhonegoù, kanaouennoù pe kontadennoù dastumet pe krouet gantañ. En o zouez ul levr : « Sonioù brezhonek evit ar skolioù » ha kanaouennoù : ''Mari Janig Vrao, Luskell va Bag, Gwerz ar Balp'', ha re all.