Dispac'h miz Here
Graet e vez Dispac'h miz Here, pe Reveulzi miz Here (rusianeg: Октябрьская революция, Oktyabr'skaya revolyutsiya), pe c'hoazh Here Ruz, Emsavadeg miz Here, hag ivez an Dispac'h Bolchevik, ha Reveulzi Veur Sokialour Miz Here (Великая октябрьская социалистическая революция, Velikaya Oktyabr'skaya sotsialisticheskaya revolyutsiya) ent-ofisiel adalek 1927... eus an taol reveulzi a c'hoarvezas e-kerzh Dispac'h Rusia 1917. Kregiñ a reas gant un emsavadeg armet e Petrograd d'ar 25 a viz Here 1917 (hervez an deiziadur juluan), ar pezh a glot gant ar 7 a viz Du 1917 (deiziadur gregorian).
| Rann eus | Dispac'h Rusia 1917, Dispac'hoù etre 1917 ha 1923  |
|---|---|
| Anvet diwar | Here |
| Stad | Russian Republic |
| Lec'h | Sant-Petersbourg |
| Deiziad | 25 Her 1917 |
| Deiziad kregiñ | 25 Her 1917 |
| Deiziad echuiñ | 26 Her 1917 |
| Pal | Komunouriezh |
Gant Reveulzi miz Here e Petrograd e voe diskaret Gouarnamant da c'hortoz Rusia ha roet ar galloud da soviedoù kêr a oa bolcheviked en o fenn. Diwar-se e loc'has ur brezel-diabarzh hag a gasas da savidigezh an Unaniezh Soviedel e 1922.
