Durença

An Durença (pe Durance e galleg) a zo ur stêr en Okitania hag a eien en Alpoù, e Menez Chenalhet, hag a dreuz Provañs war-hed 323,8 km a-raok kemberiñ gant ar Ron war e lez kleiz.

An Durença e-kichen Manòsca.

Gerdarzh

Ur ger a orin keltiek e vefe Durença, kar d'ar ger brezhonek dour. Anavezet eo ar stummoù Druentia (er Iañ kantved), Drouentios potamos (en gresianeg), Durantia (e 854 ha 1271) pe Durentia (e 1127).

Ar stummoù klasel zo deuet eus *Dūrantia, diazezet war an douranv dur- pe dru- a gaver en anv meur a stêr en Alpoù ar c'hornôg (ar stêrioù Dora Báltea ha Dora Riparia, en Italia, Dranse e Savoia (en Haute-Savoie), ha Drac, Drôme, Durensola, gant un dibenn-ger -antia. An holl stêrioù-se a zo froudoù anezho, hag emañ o mammennoù en uheldirioù.

Ouzh an anv -se e c'haller tostaat ivez an anv Dordogne, hag ivez Duero e Spagn.

Kêrioù

Tremen a ra an Durença dre:

• Briançon
• Ambrun
• Sisteron
• Castèu-Arnòs e Sant Auban
• Lei Meas
• Manòsca
• Pertús
• Cavalhon
• Castèurainard
• Avinhon el lec'h ma kember gant ar Ron.