Digeriñ al lañser pennañ

Meurastumm.png Evit ar rouantelezh kozh anvet East Anglia, sellit ouzh ar pennad Rouantelezh East Anglia.

Rannvro East Anglia.

East Anglia (a vefe Anglia ar Reter pe Reter Anglia e brezhoneg) zo ur rannvro eus Bro-Saoz. Dont a ra an anv eus hini unan eus ar rouantelezhioù angl-ha-saoz, Rouantelezh East Anglia, anvet e-unan diwar pobl an Angled, deuet er Vvet kantved eus douar-bras Europa da reter Enez Vreizh.

E-pad pell eo bet diresis a-walc’h bevennoù ar rannvro-se. Hiziv ez eo ur rannvro implijet evit ar stadegoù hag a zo enni Norfolk, Suffolk, Essex, Hertfordshire, Bedfordshire, Cambridgeshire ha kêr Peterborough.[1]

Kalz a zouaroù izel zo er rannvro, ha douaroù gleborek en o zouez (fenland e saozneg ar vro) , kenkoulz ha torgennoù izel e Suffolk ha Norfolk. E-touez ar c’hêrioù brasañ e c’haller menegiñ Norwich, an hini bouezusañ, Peterborough, Cambridge, kêrig Ely, a zo sez un eskopti, Ipswich, Colchester ha Huntingdon. Kalz a bouez zo c’hoazh gant al labour-douar er rannvro.

NotennoùAozañ

  1. Nomenclature of Territorial Units for Statistics and the statistical regions of Europe, Statistical Office of the European Communities, 26/02/2010

Gwelet ivezAozañ