Feunteun Kastalia

Feunteun Kastalia (diwar anv an nimfenn Kastalia) a oa ur feunteun brudet e Menez Parnassos e-kichen Delfi, e Fokis, e Hellaz. En un draoniennig emañ, etre daou vri anvet ar Fedriadoù.

Feunteun Kastalia e Delfi.

Mojennoù

Diwallet e veze gant an euzhvil Python a voe lazhet eno gant an doue Apollon, ha sakr e oa abalamour da se.

Hervez lod e save diwarni un aezhenn a roe gweledigezhioù da velegez Apollon, ar Pythia, e templ Delfi, ma c'halle gwelout ha diouganiñ an dazoned. Met mojennoù all a gomz eus doureier fresk ha glan. Dont a rae di da walc'hiñ o blev kenstriverien ar C'hoarioù Pitek ha dreist-holl ar re a deue da atersiñ orakl Delfi.

Feunteun ar Muzezed e oa, hag ar re a eve dour ar feunteun a zeue an awen dezho da varzhoniañ, hervez ar vrud. Di e teue barzhed roman da glask an awen sakr.

Lec'hanvadurezh er Stadoù Unanet

• Castalian Springs, e Tennesse,
• Castalia (Ohio), en Ohio.

Pennadoù kar

• Kastalia
• Delfi