Feurioù-emglev Geneva
(Adkaset eus Feur-emglevioù Geneva)
Feurioù-emglev Geneva (Les Accords de Genève) zo un heuliad emglevioù evit tizhout un arsav-brezel e brezel Indez-Sina, etre an Unvaniezh C'hall ha broadelourien Viet Nam gant Ho Chi Minh e-penn an emsaverien. Abaoe ar bloavezh 1946, e oa enebet ar Frañs ouzh ar Việt Minh met goude koll Kamp Dien Bien Phu e voe rediet an Unvaniezh C'hall da glask buan un doare da baouez gant ar brezel. Ar feur-emglev a voe sinet ez-ofisiel d'an 20 a viz Gouhere 1954 da hanternoz ha lakaet da dalvezout d'an 21 viz Gouhere 1954, e Geneva. E tu Bro-C'hall e oa ar jeneral Henri Delteil a oa kannad gouarnamant Mendès-France hag en tu all e oa kannaded eus Republik demokratel Viet Nam.
