Fulup III Navarra

Fulup, kont Evreux (1306 – 1343), a oa ur priñs gall, hag a zeuas da vezañ Fulup III, roue Navarra (de jure uxoris), pa voe anvet e bried, Janed, da Rouanez Navarra e 1328.

Fulup III Navarra.

Mab e oa da Louis de France, ur c'henderv da Loeiz X (Bro-C'hall), kont Évreux, ha da Marc'harid Artez. E bried a oa nizez d'ar roue gall Loeiz X

Dimeziñ ha bugale

E Mezheven 1318 e oa bet dimezet Fulup da Janed, 7 vloaz.

Eizh bugel o doe:

• Marie (1330-1347), dimezet da Pedro IV Aragon, ha bugale dezho ;
• Charlez Evreux (1332-1387), kont Évreux ha roue Navarra, dimezet da Janed Bro-C'hall (1343-1373) ha bugale dezho ;
• Blanche (1333-1398), dimezet en 1349 da Fulup VI Valois, Roue Bro-C'hall ;
• Agnès (1334-1396), dimezet da Gaston III Fébus, kont Foix ha beskont Bearn, hag a c'hanas ur mab ;
• Philippe Navarra (1336-1363), kont Longueville ;
• Jeanne (1338-1387), leanez;
• Jeanne (1339-1403), dimezet en 1377 da Yann Iañ, beskont Rohan, ha bugale dezho ;
• Louis (1341-1376 en Albania), kont Beaumont-le-Roger.

E varv

Brezeliñ a reas evit ar Reconquista, skoaz-ouzh-skoaz gant ar roue Alfonso XI Kastilha da-enep Rouantelezh Granada. perzh a gemeras e seziz Algeciras (1343), ha gloazet e voe d'ar marv er memes bloavezh en Jerez de la Frontera.