Gwastell chokolad

Kalz rekipeoù gwastelloù chokolad zo dre ar bed. Gallout a reont bezañ servijet en un abadenn deiz-ha-bloaz, un emvod familh, evit an dibenn-pred pe merenn-vihan, hag all.

Rekipe gwastell chokolad ordinal

Aozennoù :

200 g chokolad d'ober gwestell
150 g amann
80 g bleud
4 vi
125 g sukr
un hanter sac'hadig goell

Lakait ar chokolad hag an amann da teuziñ en ur gastelaodenn war dan gorrek. Lakait ar forn da dommañ (180 °C). Dispartiit ar gwennoù-vi d'ar melenoù. Basit ar gwennoù en erc'h. Lakait ar bleud, ar melennoù, ar sukr hag ar goell d'ar chokolad hag an amann en ur veskañ. Lakait ar gwennoù en erc'h. Diskargit en ur plad. Lakait da boazhañ er forn e-pad 25 mun. (kalon war deuz) pe 35 mun.

Gallout a reer kinklañ anezhi gant malzennoù chokolad, sukr lindr, perlez ha stered sukr hag all.

Ar gwestell chokolad

Barrenn gwazhennet gant kakao

Gwastelloù chokolad a bep seurt zo :

brownie
teuzenn chokolad : kalz bleud, chokolad, tekstur aeret kenañ, poazhet buan a-walc'h
teuzadenn chokolad : kalz sukr, chokolad, vioù, tekstur fetisoc'h, poazhet goustatoc'h
gwastell c'hwezet chokolad
gwastell ruilhet chokolad, ruilhenn chokolad
koadeg du
lamington
sachertorte
skañvadell chokolad
trufennoù chokolad

Gwelet ivez

Levrlennadur

(fr) Pierre Hermé, Larousse du chocolat : recettes, techniques et tours de main, Paris, Larousse, 2009 (ISBN-10- 2035844177)
(fr) Victoire Paluel-Marmont, Le Gâteau au chocolat, Paris, Marabout, 2009 (ISBN-10-2501058585)

Liammoù diavaez

(fr) Dastumad rekipeoù gwastelloù chokolad