Gwerenn (lestr)

Ur pennad Gwerenn zo ivez.

Ur werenn zo ul lestr graet en gwer peurvuiañ ma lakaer died, pe evaj da evañ ouzh taol peurvuiañ.

Kemm a vez etre ar gwer hervez o stumm, o ment, o zevder, pe hervez pezh a lakaer e-barzh. Darn zo hir ha moan, re all kofek, darn o devez un troad, re all n'o devez ket. Brasoc'h e vez ar gwer bier, bihanoc'h ar re ma lakaer gwin, ha bihanoc'h c'hoazh ar re ma lakaer diedoù kreñv peurvuiañ.

Gwer bier Aozañ

Meur a seurt zo anezho ivez. Darn o devez un troad hag a zo kofek ha ledan. Kement-se a zo ivez hervez pegement a lakaer e-barzh: 0,25 pe 0,33 cl peurvuiañ. En ostalerioù e vez merket endalc'h ar gwer war ar bier alies.

Gwer brasoc'h, pintoù, zo e Breizh-Veur.

Ouzhpenn gwer zo da evañ bier : listri metal ha pri zo ivez. E Breizh-Veur e vez graet tankard eus ul lestr gant ur skouarn, e pri, metal a-wechoù, e lêr pe koad zoken gwechall.

Un tankard e koad, bet kavet war ar vag saoz Mary Rose, eus ar XVIvet kantved.
Tankard metal (plomm ha staen), dañjerus evit ar yec'hed.
Ur pint ordinal (56,8 cl)
Un Humpen pe stein alaman, e pri, 50cl
Ur stein e pri-gwenn
Ar gwer bier a servij ivez d'ober bruderezh
Ur Maß alaman ul litrad ennañ