Hippolyte Lucas

Arabat kemmeskañ gant Pierre-Hippolyte Lucas

Hippolyte Lucas (Hippolyte Julien Joseph Lucas hervez marilh ar boblañs), bet ganet e Roazhon d'an 20 a viz Kerzu 1807^[1], hag aet eo da Anaon e Pariz d'ar 14 a viz Du 1878^[2], a oa ur skrivagner gallek.

Heuliet en doa studioù war ar gwir ha krog e oa gant ar vicher breutaer e Pariz p'he dilezas evit al lennegezh. Skridvarner eo bet e-pad un 40 vloaz bennak evit meur a gelaouenn. E-touez krouerien La Revue de Bretagne ha La Société des Gens de Lettres e voe. Levraoueger eo bet e Levraoueg an Arsanailh (Bibliothèque de l'Arsenal) e Pariz. Azasaet en deus pezhioù-c'hoari spagnolek ha gresianek.

Roet eo bet e anv d'ur ru e Roazhon.

Oberennoù

Histoire philosophique et littéraire du théâtre français (1843).
Curiosités dramatiques et littéraires (1855).
Histoire des guerres civiles en France depuis les temps mérovingiens jusqu'à nos jours (1847).
Portraits et souvenirs littéraires.

Mammenn

Mille Bretons Dictionnaire biographique gant Jean-Loup Avril, embannet gant Les Portes du Large e 2002 (ISBN 2-914612-07-9).

Notennoù ha daveennoù

↑ Dielloù marilhoù kêr Roazhon merk 2E15, p.216, en-linenn [1]. En e levr, meneget izeloc'hik, e ro Jean-Loup Avril an deiziad 14 a viz Eost, dre fazi war a seblant.
↑ dielloù kêr Pariz en-linenn

[1] Dielloù marilhoù kêr Roazhon merk 2E15, p.216, en-linenn [1]. En e levr, meneget izeloc'hik, e ro Jean-Loup Avril an deiziad 14 a viz Eost, dre fazi war a seblant.

[2] ù kêr Pariz en-linenn

[1]

[2]