Hyder Ali
Hyder Ali, pe Haidar Ali (Dodballapur, c. 1722-1782 Chittur) a oa un ofiser indian, muzulman chiit, hag a zeuas da vout penn-brezel ha gouarnour Rouantelezh Maisor, pe Mysore, ur vro dizalc'h e mervent India, e dibenn an XVIIIvet kantved.
![](http://upload.wikimedia.org/wikipedia/commons/thumb/3/3a/%22Hyder_Ali%2C%22_a_steel_engraving_from_the_1790%27s_%28with_modern_hand_coloring%29.jpg/220px-%22Hyder_Ali%2C%22_a_steel_engraving_from_the_1790%27s_%28with_modern_hand_coloring%29.jpg)
![](http://upload.wikimedia.org/wikipedia/commons/thumb/e/e3/Haidar_Ali_commandant_en_chef_des_Mahrattes_gravure_1762.jpg/220px-Haidar_Ali_commandant_en_chef_des_Mahrattes_gravure_1762.jpg)
![](http://upload.wikimedia.org/wikipedia/commons/thumb/6/64/Suffren_meeting_with_Haider_Ali%2C_26_july_1782_engraved_by_J_B_Morret_1789.jpg/279px-Suffren_meeting_with_Haider_Ali%2C_26_july_1782_engraved_by_J_B_Morret_1789.jpg)
Gant e vab Tipu Sultan e stourmas a-enep ar Saozon a glaske teurel o c'hrabanoù war su India.
E vuhez
kemmañMab e oa da Fateh Haidar Alî Mohammad, a lavare diskenn eus ar profed Mahomed, hag a oa mab d'ur fakir, muzulman soufi, eus Panjab. Daous ma ne ouie ket lenn en devoa perzhioù splann ha spered lemm a-walc'h da sevel betek penn stad Maisor.
Soudard e oa e servij ar raja (roue) Krishnaraja Wadiyar II, a daolas pled e oa ur brezelour kadarn. E-kerzh seziz Devanhalli en 1749, e sachas Haidar evezh Nanjirâj, ministr ar raja, hag anvet e voe da ofiser uhel. Adaozañ a reas arme Maisor, ha pourveziñ ar soudarded gant dafar heñvel ouzh hini ar Saozon hag ar C'hallaoued. En 1757 e voe anvet da bennjeneral