Ingolstadt

Ingolstadt zo ur gêr eus kreisteiz Alamagn, e stad Bavaria. Emañ e distrig Oberbayern, nepell diouzh München, war lez ar stêr Danav.

"Porzh ar groaz" (Kreuztor), un nor eus ar Grennamzer da vont er gêr gozh ; unan eus arouezioù kêr.

Poblet e oa e 2013 gant 129 136 a annezidi. Gant an niver-se emañ e-touez kêrioù bras Bavaria ; ar c'hwec'hvet kêr vrasañ eo, goude München, Nürnberg, Augsburg, Regensburg ha Würzburg. Emañ Ingolstadt en ur goadeg vras, 374 metr a-us live ar mor. En em astenn a ra war 133,35 km². Goude Regensburg ez eo neuze an eil kêr vrasañ, a-fed gorread, e-touez ar c'hêrioù alaman a gaver war ribl an Danav.

E 1472 e voe krouet skol-veur gentañ Bavaria en Ingolstadt. Emañ sez kreiz an embregerezh kirri Audi en Ingolstadt ivez.

Kêrioù gevellet

Gevellet eo Ingolstadt gant ar c'hêrioù-mañ :

• Grasse (Bro-C'hall)
• Kirkcaldy (Bro-Skos)
• Carrara (Italia)
• Murska Sobota (Slovenia)
• Kragujevac (Serbia)
• Manisa (Turkia)
• Opole (Polonia)
• Moskov (Rusia)
• Győr (Hungaria)

Liammoù diavaez

• Un dro e kêr gozh Ingolstadt