Irkoutsk
Irkoutsk (Иркутск e rusianeg, distaget [ɪrˈkutsk]) a zo unan eus kêrioù brasañ Siberia. Pennlec'h Oblast Irkoutsk eo ha 606 137 a dud a oa o vevañ enni e 2013.
DouaroniezhAozañ
Emañ Irkoutsk 55 km eus ribloù Su al Lenn Baikal ha 182 km eus an harzoù gant Mongolia. E kember ar stêrioù Angara hag Irkout emañ, tennañ a ra he anv eus ar stêr diwezhañ-mañ.
Graet eo ar vro gant torgennoù goloet gant taiga Siberia ar reter, pa'z eo gweledva Siberia ar c'hôrnog ur stepenn digor ha kompez.
IstorAozañ
Ur c'hontouer evit ober kenwerzh ar feurioù gant ar vBouriated a voe savet e 1652. En em staliañ a reas Kozaked eno. Statud ur gêr a voe roet da Irkoutsk e 1686. Ezporzhiet e veze aour, ivor ar vammouted ha sebelinez da Vro-Sina.
Er XIXvet kantved e teue kalz marc'hadourien ha klaskerien aour da glask dastum danvez. An Tsared a gase ar brizonidi hag an eneberien bolitikel da labourat er houarnegi . Un tan-gwall a zistrujas ar gêr e 1879 hag adsavet e voe gant tiez e mein. E 1917 e c'hoarvezas stourmoù gwadek etre ar re wenn hag ar re ruz. Andishaet e oa Aleksandr Koltchak, penn an arme enepbolchevik, e Irkoutsk e 1920.
DemografiezhAozañ
HinAozañ
Etre un hin izarktikel ha kevandirel emañ Irkoutsk. Miz Gouere eo an hini tommañ (gwerzverk keitat 18°C) ha miz Genver an hini yenañ (gwerzverk keitat -19°C).
Tud brudetAozañ
Bet ganet en Irkoutsk :
- Valéry Inkijinoff (1895-1973) aktour gall
- Mikhail Romm (1901-1971) filmaozer
- Natalia Saz (1903-1993), leurennerez
- Rudolf Noureev (1938-1993) dañsour steredenn, korollour
- Andrei Guelassimov (1965–) skrivagner
- Ivan Vyrypaev (1974–) senariour, leurenner, filmaozer, aktour
- Daria Dmitrieva (1993–) jiminasour
- Nina Kraviz (1981–) disk jockey
- Denis Matsouiev (1975-) pianoour
Bet marvet en Irkoutsk :
- Ivan Alexandrovitch Khoudiakov (1842-1876) folklorour ha dispac'hour
