John Dillinger

John Herbert Dillinger, ganet d'an 22 a viz Even 1903 en Indianapolis hag aet da Anaon d'an 22 a viz Gouhere 1934, a oa ur gangster stadunanat brudet e 1933-1934, e-pad marevezh an Enkadenn Veur e Stadoù-Unanet Amerika. Kas a rae da benn e obererezhioù torfedouriezh gant ur strollad tud lesanvet an Dillinger Gang pe an Terror Gang, hag a voe lakaet da gablus evit laeroñsi 24 zi-bank, pevar c'homiserdi, hag evit torfedoù niverus all. Div wech eo tec'het kuit Dillinger eus an toull-bac'h.

John Dillinger

den

Reizh pe jener	paotr
Bro ar geodedouriezh	Stadoù-Unanet
Anv-bihan	John
Anv-familh	Dillinger
Deiziad ganedigezh	12 Mez 1903, 22 Mez 1903
Lec'h ganedigezh	Indianapolis, Brightwood
Deiziad ar marv	22 Gou 1934
Lec'h ar marv	Chicago, Biograph Theater
Abeg ar marv	gloaz dre arm-tan
Lec'h douaridigezh	Crown Hill Cemetery
Micher	bank robber
Strollad etnek	White people

Skritell klask war-lerc'h Dillinger

Dillinger a oa bet an torfedour brudetañ er Stadoù-Unanet e-pad marevezh an Enkadenn Veur, o vezañ lakaet war-wel muioc'h c'hoazh evit an dorfedourien Baby Face Nelson, Pretty Boy Floyd pe Bonnie ha Clyde. Ur brouenn anat e voe embannadur al levr meur diwar-benn torfedourien ar marevezh-se bloavezhioù war-lerc'h, a voe titlet The Dillinger Days (Ar mare Dillinger).

Trubardet e voe gant Ana Cumpănaş, a oa perc'hennez war ur fouzhlec'h ma oa bet kavet goudor gant Dillinger, hag adkavet e voe gant an FBI. Lazhet e voe pa oa o vont er-maez eus ur sinema (arBiograph Theater) e Chicago, d'an 22 a viz Gouhere 1934, gant un ezel eus an FBI anvet Melvin Purvis, hag e skipailh. Peder gwech e voe tennet warnañ pa glaskas tapout ur bistolenn en unan eus e c'hodelloù.

Istor

Kroget e oa gant an torfederezh da ugent vloaz, pa laeras un oto e Mooresville, Indiana hag ez eas gant ur veaj glepaj dre Indianapolis. Talet gant an archerien ha gloazet don ganto e voe rediet da emezeliñ en Navy evit chom hep bezañ bac'het. Chom a reas un nebeud mizvezhioù war vourzh ar vag Utah. Ken dichek e veze gant an ofiserien ma tremene e amzer en toull. Pa eorias ar vag e Boston e tec'has John Dillinger eus an Navy.

Er sevenadur

Er film Public Enemies (2009) sevenet gant Michael Mann e vez kontet penaos eo bet lakaet klask war John Dillinger ha lazhet anezhañ gant Melvin Purvis ha gwazed all an FBI. C'hoariet eo Dillinger gant Johnny Depp.