Khe Sanh

Khe Sanh zo kêr-benn distrig Hướng Hoá e Vietnam, lec'hiet eo 63 km er gornôg da Đông Hà. Brudet eo al lec'h evit bezañ bet tachenn emgann Khe Sanh.

Kartenn proviñs Quang Tri gant lec'hiadur Khe Sanh.

Istor

Kêriadenn Khe Sanh a zo bet diazezet adal ur blantadeg kafe krouet e 1926 gant an imbourc'her ha naturelour gall Eugène Poilane. Pa grogas gant al labourioù e 1918 ne oa nemet un ti, hini an ijinour a oa karget eus al labourioù en hent trevadennel 9, kentañ hent graet gant mein e Laos.

E 1962, unvezioù ispisial Stadoù-Unanet Amerika a savas eno ur vazenn gant un aerborzh bihan, ar pal a oa evezhiañ ar zonenn nann milourel etre Norzh ha Su Viêt Nam.

Goude ma vije kroget Brezel Vietnam e oa bet savet ur bazenn stourm kalz ledanoc'h evit na oa hini an nerzhioù ispisial. E-kerzh Argadenn an Tết e oa bet eno Emgann Khe Sanh eus an 21 a viz Genver betek an 8 a viz Ebrel 1968 .

Skeudennoù

• 
  Sell hollek war kêriadenn Khe Sanh
• 
  Gweledva bord an hent e Khe Sanh
• 
  Mirdi ar bazenn milourel stadunanat e Khe Sanh
• 
  Sell war ur c'hreñvlec'h bunker adsavet e Khe Sanh
• 
  Distrujoù karbedoù e mirdi emgann Khe Sanh : penn a-dreñv un UH-1 ha biñs-tro (a seblant bezañ) hini ul Lockheed C-130 Hercules.
• 
  Emgann Khe Sanh, sell adal ar bazenn dindan sez. Un F-4 Phantom II o vombeziñ a weler er foñs.