Klopenn

Ar c'hlopenn eo al lodenn askornek pe migornek eus ar penn, heñvelik ouzh ur voest. Perzh boutin an holl loened rummataet en takson Craniata eo. E roll pennañ eo gronnañ ha gwareziñ ar reizhiad nervel kreiz.

Klopennoù loened (avank, askell-groc'hen… ).

Ur c'hlopenn den.

Gant an Osteiktied eo migornek klopenn ar rizhell hag askornek (ul lodenn anezhañ d'an nebeutañ) hini al loen deuet d'e oad.

Klopenn an den

22 askorn a ya d'ober klopenn un den deuet d'e oad gour. Holl eskern ar c'hlopenn (estreget askorn javed an traoñ) zo stag an eil ouzh egile gant ar mellezoù, koubloù reut anezhe na aotreont nemet fiñvoù bihan-bihan. Eizh askorn (an askorn tal, an daou askorn kitern, an askorn kilpenn, ar genneg, an daou askorn ividig, ar sileg) a ya d'ober ur voest en-dro d'an empenn. Ar pevarzek askorn all a dalc'h an dremm.

Ar c'hwec'h askornig (morzhol, annev ha stleug) er skouarn grenn hag an askorn uheñvel a dalc'h an teod n'int ket lod eus ar c'hlopenn.

Klopenn gwelet a zirak

Klopenn gwelet a gostez

3D klopenn

Skeudennoù

• 
  Klopenn ur marc'h-dour.
• 
  Klopenn ur c'hazh, ur skouer vat a gigdebrer.
• 
  klopenn un avank-Spagn, ur c'hrigner.
• 
  klopenn ur skoazog, ur morvil dantek.
• 
  Klopenn ur bulldog, ur ouenn chas.
• 
  klopennoù primated, en o zouez hini mab-den.
• 
  Klopenn un evn .
• 
  Klopenn un tiranosaor.