Digeriñ al lañser pennañ
Ur sell war ar C'holize diouzh noz

Ar C'holize [1](Amphitheatrum Flavium, kelc'hva Flavius, Colosseum e latin, Colosseo en italianeg) zo ur c'helc'hva e kreiz Roma, Italia, e reter ar Forom Roman. Bez' eo ar c'helc'hva brasañ a zo bet savet biskoazh.
Kroget e oa bet ar sevel e-kerzh ren an impalaer Vespasianus e 72 hag echuet e 80 dindan ren e hêr, Titus. Kemmoù a voe degaset goude-se e-kerzh ren Domitianus (8196). An tri impalaer-se graet Tierniezh Flavian anezho, a roas o anv da gelc'hva Flavius.

Er C'holize e oa tu da zegemer etre 50 000 ha 80 000 arvester, gant ur geidenn a 65 000. Implijet e oa al lec'h evit abadennoù gladiatourien, emgannoù war-vor (e-pad un amzer verr dre ma voe leuniet ar foz gant mekanikoù evit obererezhioù dudi all), chaseoù loened, lazhadegoù, adsevel emgannoù brudet, ha c'hoariva diazezet war ar vitologiezh klasel. N'eo nemet e penn-kentañ ar Gennamzer ma voe paouezet da implij ar savadur evit an dudi. Adimplijet e oe goude-se evel lec'h lojañ, lec'h labour, karterioù relijiel ha bered katolik.

SkeudennoùAozañ

NotennoùAozañ

  1. Geriadur Vallée (1980) p. 131-b.