Koumin (Cuminum cyminum) zo plant eus kerentiad an Apiaceae, a gresk er broioù zo etre ar Mor Kreizdouar hag India. Kreskiñ a ra ar plant-se betek tapout 50 cm uhelder hag eostet e vezont gant an dorn.

Dont a ra ar ger brezhonek koumin eus ar galleg cumin, amprestet e-unan digant an arabeg "كمون" (kammon) dre ar spagnoleg comino, en amzer ma oa renet Spagn gant Arabed. Er c'h-Catholicon e kaver ar stumm "comin", hag e geriadur Gregor Rostren ar stumm "coumin".

Koumin a reer ivez eus had disec'het ar plant Cuminum cyminum, zo kar d'ar perisilh. Implijet e vezont da spis abalamour d'o frond dibar, e meuzioù zo eus Norzhafrika, ar Reter-Nesañ, India, Mec'hiko.