La Cordelière
La Cordelière - pe Marie-Cordelière - zo ul lestr-brezel a oa bet savet e porzh an Dourdu (Plouezoc'h) en 1498 ha paramantet gant Anna Vreizh, en amzer Dugelezh Breizh eta. Bravañ lestr morlu Breizh e oa. 200 kanol a oa war ar bourzh ha 1200 martolod[1].
| Deiziad krouiñ | 1487  |
|---|---|
| Anvet diwar | Order of the Ladies of the Cord, Frañsez a Asiz |
| Darvoud-alc'hwez | ship launching, order, keel laying, demolition |
| Urzhier | Frañsez II |
| Oberataer | dugelezh Breizh |
| Lec'h produiñ | Montroulez |
| Lakaet er servij | 1498 |
| Cause of destruction | emgann war vor |
| Commanded by | Herve Porzhmoger, Jacques Guibé |
| Country of registry | dugelezh Breizh |
Dont a rae an anv eus an urzh varc'hegiezh anvet Ordre de la Cordelière. Met da gentañ e oa bet roet dezhañ un anv all : La Nef de Morlaix, La Mareschalle, La Nef de la Royn. Gant Anna Vreizh avat eo e voe divadezet[2].
Istor
kemmañEtre 1501 ha 1504 edo al lestr er Mor Kreizdouar. Perzh a gemeras en droiad-brezel da Lesbos. Er c'heid amzer-se edo ar morlu saoz o rodal a-hed aodoù Breizh ha pa ziskenne bagadoù anezho e lakaent freuz ha reuz. Kement-se a c'hoarvezas adarre e miz Mezheven 1512 pa ziskennas an amiral Howards e Konk-Leon, nepell diouzh Brest, ha pa c'hwezhas an tan e maner Herve Porzhmoger. D'an 10 a viz Eost 1512, deiz gouel sant Laorañs, e oa ul lid war al lestr Marie-Cordelière, tra ma oa ar Saozon o vont da zilestrañ e Beg Lokmazhe, e penn lenn-vor Brest. Pa glevas Herve Porzhmoger, kabiten ar Marie-Cordelière, e savas an eor da vont en arbenn d'an enebourien, hag ar gouviidi bepred war bourzh.
Notennoù
kemmañ- ↑ Jean-Pierre Leguay. « Livre six - La fin de l'indépendance bretonne », in Fastes et malheurs de la Bretagne ducale (J-P. Leguay ha Hervé Martin). Ouest-France Université, 1982. P. 425
- ↑ « Le navire breton Marie La Cordelière ». http://www.culture-bretagne.net/navire-marie-cordeliere/