Le temps qui reste (kanaouenn)
Le temps qui reste (An amzer hag a chom) a zo ur varzhoneg c'hallek gant Jean-Loup Dabadie (1938-), lakaet da ganaouenn e 2002 gant ar c'hempenner sonerezh ha sonaozer Alain Goraguer (1931-).
Enrollet e oa bet gant Serge Reggiani (1922-2004) da gentañ-penn hag embannet e miz Kerzu 2002 gant Tréma war an eil pladenn-arc'hant eus Autour de Serge Reggiani[1], an dastumad savet da zougen bri d'an arzour gall.
Adkanet eo bet gant arzourien all, Isabelle Aubret (1938-) ha Gérard Berliner (1956-2010) en o zouez.
Ouzhpenn fromus eo klevout Le temps qui reste e dibenn Deux jours à tuer, ar film gant Jean Becker ma talc'h Albert Dupontel[2] (1964-) ennañ perzh ur bruder (Antoine Méliot) hag a gav gwelloc'h mont diouzh e diegezh, a-daol-trumm, dre ma oar-eñ ez eo taget gant ur c'hankr marvus.
Titl ur film an hini eo ivez, sevenet gant François Ozon (1967-) ha deuet e-maez d'an 16 a viz Mae 2005 da-geñver Festival sinema Canas.
Lenn ar gerioù
kemmañSelaou Le temps qui reste...
kemmañNotennoù ha daveennoù
kemmañ- ↑ Pemzek sonenn kanet gant arzourien all war ar bladenn gentañ ha Le temps qui reste hec'h-unan-penn war an eil.
- ↑ A-gevret gant Marie-Josée Croze (1970-) ha Pierre Vaneck (1931-2010) peurgetket.