Llangwm (Conwy)

Llangwm zo ur gêriadenn hag ur gumuniezh e gevred Sir Conwy, e hanternoz Kembre.

E kombod Uwch Aled e oa Llangwm er Grennamzer. E-barzh Sir Ddinbych eo bet hag e Clwyd goude.

Ur wazh-dour a red dre ar gêriadenn, kent en em deurel er stêr Ceirw. Er c'hreisteiz ez eus torgennoù hag an hini uhelañ anezho eo ar Foel Goch (611 m).

Ur voudenn-gastell eus ar Grennamzer zo, anvet Tomen Maesmor.

Evel en daou lec'h all anvet Llangwm e Kembre eo gouestlet an iliz-parrez da sant Jerom. Met da gentañ e oa bet gouestlet da Sent Gwynog ha Noethan, mibien sant Gweltaz^[1].

E 2011 e oa poblet gant 470 a dud, ha 284 anezho (61,5%) a oa kembraegerien^[2].

Daveoù

↑ Ffynhonnau Cymru (Ffynnon Wnnod, Llangwm) Kavet d'an 3 Gouere 2016
↑ 'Statistical bulletin: 2011 Census: Key Statistics for Wales, Mawrth 2011'. Swyddfa Ystadegau Cenedlaethol (The Office For National Statistics).

[1] Ffynhonnau Cymru (Ffynnon Wnnod, Llangwm) Kavet d'an 3 Gouere 2016

[2] 'Statistical bulletin: 2011 Census: Key Statistics for Wales, Mawrth 2011'. Swyddfa Ystadegau Cenedlaethol (The Office For National Statistics).

[1]

[2]