Llyn Tegid
Llyn Tegid e kembraeg, Bala Lake e saozneg, zo ul lenn e Gwynedd, e Kembre.
| Adstêrioù | Dyfrdwy  |
|---|---|
| Diskarg al lenn | Dyfrdwy |
| Bro an diazad | Kembre |
| Stad | Rouantelezh-Unanet |
| E tiriad | Kontelezh Gwynedd |
| En un takad gwarezet | Park Broadel Eryri |
| Kontelezh istorel | Sir Feirionnydd |
| Daveennoù douaroniel | 52°53′0″N 3°38′0″W |
| Oberataer | Natural Resources Wales |
| Statud gladel | Site of Special Scientific Interest |
| Deskrivet dre | A group of children on the shores of Llyn Tegid, Llyn Tegid, Llyn Tegid with the Mount of Olives |
Douaroniezh
kemmañE gwele ur skorneg emañ Llyn Tegid, war red ar stêr Afon Dyfrdwy etre kêrioù Llanuwchllyn en argrec'h er mervent hag Y Bala en ardraoñ er biz.
- Gorread : 4,84 km²
- Hirder uc'hek : 5,95 km
- Ledander uc'hek : 0,8 km
- Donder uc'hek : 42 metr
Lec'hanvadurezh
kemmañ- Anvioù kozh
En e levr Itinerarium Cambriae, an istorour kembreat Giraldus Cambrensis (~1146-~1223) a veneg al lenn dindan an anv Penmelesmere.[1]. En e droidigezh eus al levr e 1804 e skriv Sir Richard Colt Hoare (1758-1838) un anv arall, "Pymplwy meer", diwar ar c'hembraeg pum plwyf, "pemp parrez", eleze Llandderfel, Llanfawr, Llangywer, Llanuwchllyn ha Llanycil.[2] ; an anvioù "Pimble-mere" ha "Pemble Mere" a lenner ivez[3],[4]
- Anvioù a-vremañ
Kentañ gwezh ma kaver an anv "Llyn Tegid" eo e Cronica Walliae er bloaz 1568.[5] Ar skrivagner beajer Bro-Saoz George Borrow (1803-1881) a droas an anv dre "Lenn Genedus", "Tegid" o tont eus teg "kenedus", a gomzer eus ul lec'h).
"Bala Lake" eo anv al lenn e saozneg, abalamour m'emañ Y Bala er penn anezhi. Hogen dre ma talv bala kement hag "ezkerzh ul lenn"[6], alese anv Y Bala, ne c'hall ket bout anv al lenn hec'h-unan ; tabut zo a-zivout an anv saoznek o kemer lec'h an hini kembraek[7]
Pennad kar
kemmañNotennoù
kemmañ- ↑ (en) Cambrensis, Giraldus. 'Of the passage of the River Dee, and of Chester, levrenn II-11. Kavet : 21/09/2023.
- ↑ (en) 'Historic Landscape Characterisation Bala and Llyn Tegid - Area 1 Llyn Tegid (Lake Bala) (PRN 24701)'. Kavet : 21/09/2023.
- ↑ (en) Owen, Hywel Win & Morgan, Richard. Dictionary of Place-names of Wales. Llandysul : Gomer Press, 2007 (ISBN 978-1-84323-901-7)
- ↑ (en)Giraldus Cambrensis. The Itinerary through Wales The Description of Wales. London : Dent, 1908 (ISBN 978-0-460-00272-1)
- ↑ (en) Llwyd, Humphrey. Cronica Walliae'. Caerdydd : University of Wales Press, 2016 (ISBN 978-1-78316-948-1)
- ↑ (cy) (en) 'Geiriadur Prifysgol Cymru'. Kavet : 21/09/2023.
- ↑ 'Nation·Cymru, 28/08/2021. Kavet : 21/09/2023.