Louise von Mecklenburg-Güstrow

Louise zu Mecklenburg (1667 – 1721) a oa ur briñsez alaman dimezet da Frederik IV, roue Danmark. Rouanez Danmark ha Norge, e oa.

He buhez

Ganet e oa e Güstrow e tiegezh an dug Gustav Adolph, Dug Mecklenburg-Güstrow ha Magdalene Sibylle Dugez Holstein-Gottorp. He mamm a oa merc'h d'an dug Frederick III von Holstein-Gottorp ha d'an dugez Maria Elisabeth von Sachsen.

E Kerzu 1695 e voe dimezet d'ar priñs Frederik a zeuas da vout roue Danmark e 1699. Dibabet e oa bet gantañ dre ma kave anezhi sioul hag e soñje gantañ ne raje ket trouz dezhañ abalamour d'e vuhez.

Merc'hetaer e oa ar roue ha meur a serc'h en doe. Serc'heg e oa-eñ da Elisabeth Helene von Vieregg a oa dimezell a enor gant e c'hoar, ar briñsez Sophie Hedevig af Danmark. E 1699 e krogas o darempred, er bloaz ma voe roueet Frederik goude marv e dad Christian V.

He bugale

Pemp bugel o doe. Daou hepken a vevas dreist o bugaleaj pe o c'hrennoad:

Christian (1697–1698), marvet da ur bloaz
ar roue Christian VI Danmark (1699–1746)
Frederik Karl (1701–1702) marvet da zaou viz hanter
Georg (1703–1704), marvet da 14 miz
Charlotte Amalie Danmark (1706–1782)

He marv

Mervel a eure e Kopenhagen ha beziet e voe en Iliz-veur Roskilde.