Mac'haon

Mac'haon (Μαχάων e gregach), mab da Asklepios (doue ar medisinerezh) ha da Epione, breur da b-Podaleirios, a oa roue Trikke ha surjian, dimezet da Antikleia, ha meur a vugel en doa bet ganti: Aleksanor, Sfyros, Polemokrates, Nikomac'hos ha Gorgasos.

Brezel Troia

Gant 30 nev ez eas d'ober brezel da Droia. Ober a reas war-dro ar vrezelourien gloazet, Menelaos ha Filoktetes. Mont a reas e-barzh marc'h Troia. Gloazet e voe gant Paris.

Mervel a reas e-kerzh dekvet bloavezh brezel Troia: hervez Homeros e voe lazhet gant Eurypylos, mab da d-Telefos, hervez Apollodoros gant Penthesileia, rouanez an Amazonezed.

Tiegezh Aristoteles a lavare diskenn eus Mac'haon^[1].

Balafenn

Diwar anv Mac'haon e teu anv ar valafenn Papilio machaon.

Levrlennadur

(fr) Pierre Pellegrin (dir.), Aristote : Œuvres complètes, Éditions Flammarion, 2014, 2923 p. (ISBN 978-2081273160)

Notennoù

↑ Pierre Pellegrin (dir.), Aristote : Œuvres complètes, Éditions Flammarion, 2014, 2923 p. (ISBN 978-2081273160)

[1] Pierre Pellegrin (dir.), Aristote : Œuvres complètes, Éditions Flammarion, 2014, 2923 p. (ISBN 978-2081273160)

[1]