Mackenzie (stêr)
stêr eus Kanada
Ar Mackenzie (Mackenzie River e saozneg, Deh-Cho e sklaveg (distaget [tèh tʃʰò], « stêr vras ») ; Kuukpak en inuvialuktuneg ( distaget [kuːkpɑk], « stêr vras ») ; Fleuve (de) Mackenzie e galleg) a zo ur stêr, 1 738 km hed dezhi, e Kanada. Stêr hirañ ar vro eo. Emañ he mammenn e Lenn Veur ar Sklaved. Tremen a ra e koadeier ha toundra proviñs Tiriadoù ar Gwalarn, a-raok en em deurel e Mor Beaufort, e Meurvor Arktika.
An diazad hidrografek a dremen e pemp proviñs kanadian : Kolombia Vreizhveuriat, Alberta, Saskatchewan, Yukon, ha Tiriadoù ar Gwalarn.