Mehmet III
Mehmet III, ganet d'ar 26 a viz Mae 1566, a voe an trizekvet sultan en impalaeriezh otoman.
Mab e oa da Murat III ha da Safiye Sultan.
Yaouankiz
kemmañE anv a voe roet dezhañ gant e dad-kuñv, Suleyman Iañ, en enor da Mehmet an Alouber.
Deskadurezh a dapas gant gouizieien vrudet evel İbrahim Cafer pe Pir Mehmed Azmi.
Ren
kemmañRen a reas Mehmet III eus 1595 da 1603. Diouzh an noz ma pignas war an tron e lakaas da lazhañ 19 eus e vreudeur.
Kerkent ha tapet ar galloud gantañ e pledas ar sultan nevez gant ar c'hudennoù en Aostria hag e Valakia.
D'an 2 a viz Gwengolo 1595 e teuas a-benn an Aostrianed da gemer kreñvlec'h Estergon, 60 km e gwalarn Budapest, dre ziouer a sikour a-berzh ar sultan hag a oa koulskoude 40 km alese.
Vichegrad, war bord ar stêr Tuna, a gouezhas e krabanoù enebourien an Otomaned nebeut goude.
Da heul an darvoudoù-se ec'h embannas ar Yeniçeried e faote dezho ec'h afe ar sultan d'ar brezel asambles gant e arme.
Mervel a reas Mehmet III d'an 21 a viz Kerzu 1603. E vab Ahmet I a renas war e lerc'h.
| En e raok: Murat III |
Sultaned an Impalaeriezh Otoman .svg){kind=small} 1595 – 1603 |
War e lerc'h: Ahmet I |