Milblog

Ur milblog pe warblog a vez graet eus ul lec'hienn internet, ur blog, pe ur chadenn rouedad sokial (war Telegram da skouer) hag a gomz dreist-holl eus keleier liammet ouzh ur brezel war ober.

Alies e vez an termeniñ warblog oc'h ober dave d'ar fed m'eo an den pe an dud a ra war-dro ar savenn reoù hag a harp unan eus an tuioù engouestlet. An termenadur milblog a ziskouez ez eus ul liamm kreñv etre an aozour hag ar bed milourel.

Rusia

Rusia zo unan eus ar broioù ma'z eus ar muiañ a vilblogerien (lesanvet voenkory, "kenskriver brezel") goude aloubadeg Ukraina gant Rusia.

Gant ar brezel o padout ez eo bet riñset un darn eus al lec'hiennoù pe chadennoù rouedadoù sokial. Bac'het (Andrey Kurshin, Igor Girkin) ez eus bet milbloggerien, lod all zo marvet "dre emlazh" (evel Andrey Morozov), lod all zo marvet hep ma oufer resis piv en doa o lazhet (Vladlen Tatarsky). Ar chadenn c'halloudusañ eo Rybar, ur chadenn Telegram renet gant ar milblogger Mikhail Zvinchuk.