Okavango
An Okavango (pe Okawango), Cubango (pe Kubango) hervez ar broioù hag ar yezhoù, zo ur stêr 1 700 km hed hag a red en Afrika ar Mervent. Eieniñ a ra e-kichen kêr Huambo, e kreiz Angola, ma'z eo Cubango hec'h anv. Treuziñ a ra Namibia ha degouezhout e Botswana. Echuiñ a ra eno en un delta, tost d'ar Moremi Game Reserve e Botswana, e dezerzh Kalahari. Endoreek eo diazad an Okavango.
Enskrivet eo bet an delta e glad bedel mab-den gant an Unesco.
