Orhan Gazi

Orhan Gazi, pe Orhan I^añ, (e turkeg otomanek اورخان غازی), a voe eil sultan an impalaeriezh otoman. Ganet e voe e 1281 e Söğüt ha marvet e 1362 e Bursa.

Mab e oa da Osman Gazi ha Mal Hatun.

Ren

Kregiñ a reas da ren asambles gant e dad e 1324 ha mont da sultan e 1326 goude marv Osman Gazi.

Kresket e voe gantañ tiriad e impalaeriezh :

Bursa (1326), Iznik (1330), Izmit (1337) a voe aloubet gant e lu.
Balıkesir (1345), Manyas pe c'hoazh Erdek a dapas digant ar meuriad Karesioğulları (Mibien Karesi) e kornôg Anatolia
e tu ar reter e kemeras Ankara (1354) digant beylik Eretna.

Tiriad an Otomaned a dremenas eus 16.000 km² e 1326 da 95.000 km² e 1362.

Dindan e ren e voe krouet ar medreseoù (skolioù) otoman kentañ en Iznik.

En e raok:
Osman Gazi

Sultaned an Impalaeriezh Otoman

1326 – 1362

War e lerc'h:
Murat I