Parlamant Katalonia
Parlamant Katalonia (e katalaneg : Parlament de Catalunya, en okitaneg ; Parlament de Catalonha, e kastilhaneg : Parlamento de Cataluña) a zo breujoù lezennel Katalonia. Gant Prezidantelezh Katalonia ha Gouarnamant Katalonia e ra Generalitat Katalonia, da lavaret eo ensavadurioù emren ar vro.
| Deiziad krouiñ | 1932  |
|---|---|
| Anv ofisiel | Parlament de Catalunya |
| Anv er yezh a orin | Parlament de Catalunya, Parlamento de Cataluña, Parlament de Catalonha |
| Diellaouet gant | Archives of the Parliament of Catalonia |
| Den e penn an aozadur | President of the Parliament of Catalonia |
| Prezidant | Josep Rull i Andreu |
| Organ kelaouiñ | Butlletí Oficial del Parlament de Catalunya |
| Stad | Spagn |
| Daveennoù douaroniel | 41°23′17″N 2°11′20″E |
| A dalv evit tiriad | Katalonia |
| Sez sokial | Palace of the Parliament of Catalonia |
| Raklec'hiet gant | Catalan Courts |
| Lec'hienn ofisiel | http://www.parlament.cat/ |
135 kannad a zo ennañ hag emañ e sez e Palez Parlamant Katalonia e Barcelona. E brezidant eo Roger Torrent abaoe miz genver 2018.
Termenet eo galloudoù ar Parlamant gant melladoù 55 da 66 eus statud emrenerezh Katalonia : reprezantiñ a ra pobl Katalonia, votiñ a ra ar budjed, kontrolliñ ha reiñ lañs a ra da bolitikerezh ar gouarnamant. Hervez statud emrenerezh ar vro n'haller ket tagañ ar Parlamant.
Orin ar Parlamant a zo en ensavadurioù katalan an XIvet kantved met savet eo bet an hini modern er bloavezhioù 1980 goude ma oa degouezhet an demokratelezh e Spagn en-dro da c'houde marv Francisco Franco.
E 2017 e oa bet votet gant ar Parlamant, ur vajorelezh dizalc'hour ennañ, ul lezenn evit aozañ ur referendom war ar goulenn-se da vezañ dalc'het d'ar 1añ a viz Here. D'ar 27 a viz Here e oa bet votet gantañ an dizalc'hidigezh diwar kinnig Prezidant ar Generalitat, Carles Puigdemont. Freuzet eo bet ar Parlamant diwar-neuze gant gouarnamant Spagn a-drugarez da vellad 155 Bonreizh Spagn evit ober un dilennadeg nevez e miz Kerzu 2017, he deus roet tamm pe damm ar memes majorelezh d'an dizalc'herien.