Genver

Mae ·

Eost ·

Here ·

Du ·

Miz kentañ ar bloaz en deiziadur gregorian eo miz Genver, skrivet Genveur a-wechoù.

Deizioù ar miz

Ar 1añ eo an deiz ma vez hetet ar Bloavezh Mat.
Ar 6 eo Gouel ar Rouaned en Iliz katolik roman. Devezh ar profoù eo er bed spagnolek.

« Deiz gouel sant Adrien / E trec'h al laou war ar c'hwen »^[1]
« Genver a garg ar foz, C'hwevrer e zalc'h kloz »^[2]
« Genverig a lavar / Ez eus vi gant ar yar »
« Gwell eo gwelet ki en kounnar / Evit heol e miz Genvar »
« Hanter Genver un eur a hed / Da c'houel Chandelour div abred »
« Hanter Genver div eur deiz, / D'ar Chantelour teir ne vez. »^[3] ; "ar Chantelour" : Gouel Maria ar Gouloù : d'an 2 a viz C'hwevrer en Iliz katolik roman.
« Miz Genver / Kalet pe dener »
« Miz Genver e hal ar saout hag e tozv ar yer »
« Miz Genver e tozv an enez hag e hal an dañvadez »
« Miz Genver, hiziv evel kent / A ziskouez eo hir e zent »^[4]
« Ne vo ket leun ar solier / Mar bez heol tomm da viz Genver »
« Pa vez tremenet dent Genver / E vez diskouloc'h an amzer »^[5]
« Pa vez kurun e miz Genver / E vez kurun bep miz. »

Un anv-badez hag un anv-tiegezh eo Genver ivez.

‎

↑ Adrian : 09/01.
↑ Kloz : skornet an dour.
↑ Jules Gros, Le Trésor du Breton parlé, levrenn 3, Librairie Bretonne Giraudon, Barr-Heol, 1974, p. 321.
↑ E zent : an nadozioù skorn a vez ouzh lezoù an toennoù.
↑ Diskouloc'h : klouaroc'h.