Pierre Weill (gounezoniour)

Pierre Weill zo ur gounezoniour breizhat ganet d'an 31 a viz Genver 1954 e Bron e Rhône e Bro-C'hall. Tremenet en deus e vugaleaj hag e grennoad e Mülhausen (e Roen-Uhel) hag emañ o chom e Breizh abaoe ouzhpenn 30 vloaz.

Graet en deus studioù ijinour gounezoniour e Nancy. Klasker ha penn embregerezh eo, skrivet en deus levrioù diwar-benn ar boued hag a-enep an deuc'hegezh. Krouet en deus ar gevredigezh Bleu, Blanc, Cœur. Staliet en deus Valorex e Komorzhel, e bro-Felger, un embregerezh arbennikaet e boued al loened. Adkemeret en deus Kreizenn a vremañ ar c'heginerezh e Roazhon, ul lec'h ma kaver ur skol keginañ, ul lec'h evit ar bodadoù stummañ hag ur preti.

Gant Ensavadur Broadel ar C'hlaskerezh Agronomek (EBKA) hag Aozadur Europa evit an Enklask Nukleel (AEEN) en deus kemeret perzh e studiadennoù klinikel diwar-benn efedoù ar boued war yec'hed an dud. Kensinet en deus pennadoù-skrid e-barzh meur a gelaouenn skiantel a-gevret gant enklaskerien an EBKA, an AEEN hag ar c'hKBIS.

Levrlennadur

• Tous gros demain? : 40 ans de mensonges, 10 kilos de surpoids, Plon, 2007 (ISBN 978-2-259-20600-6)
  • Sind wir morgen alle dick? 40 Jahre Ernährungslügen, 10 Kilo Übergewicht, Systemed Verlag, 2010 (ISBN 978-3-927372-52-8)
• Schwer verdaulich ; wie uns die Ernährungsindustrie mästet und krank macht, Systemed Verlag, 2013 (ISBN 978-3-942772-40-2)
• Mon assiette, ma santé, ma planète, Plon, 2010. (ISBN 978-2-259-21191-8)
  • 我的餐盤, 我的健康, 我的星球 (Wo de canpan, wo de jiankang, wo de xingqiu), 天培文化出版有限公司 : 九歌出版社發行, Taibei, 2012 (ISBN 978-986638521-6)
• Mangez, on s’occupe du reste, Plon, 2014. (ISBN 9782259222327)