Plac'h he zog ruz

Plac'h he zog ruz

Johannes Vermeer, 1665 - 1666
eoullivadur war banell
23,2 × 18,1 cm
National Gallery of Art
Washington
Stadoù-Unanet

Plac'h he zog ruz a zo un eoullivadur bet livet gant al livour izelvroat Johannes Vermeer e 1665-1666. War ziskouez emañ en National Gallery of Art e Washington, D.C.. Livet eo war ur banell goad (marteze a-walc'h un tamm derv).

Istor

Soñjal a reer e oa unan eus al livadurioù bet perc'hennet gant Pieter Claesz van Ruijven (1624-1674), hag eñ madoberour Vermeer. Dre hêrezh e vefe bet roet goude-se d'e wreg Maria de Knuijt (marvet e 1681); d'e verc'h Magdalena van Ruijven (1655-1682); ha da waz Magdalena, Jacob Abrahamsz Dissius (1653-1695) e anv. Soñjal a reer ivez e voe gwerzhet en Amsterdam d'ar 16 a viz Mae 1696 (marteze a-walc'h niv. 39 pe 40). Prenet e voe e-pad ur werzh en Hôtel de Bouillon, e Pariz, d'an 10 a viz Kerzu 1822 (niv.28.) gant ar baron Louis Marie Atthalin (1784-1856). Dre hêrezh e voe perc'hennet goude-se gant e niz, Laurent Atthalin e anv. Gwerzhet e voe an daolenn gant M. Knoedler & Co., New York and London, e miz Du 1925, ha neuze e voe perc'hennet gant Andrew W. Mellon hag a roas an oberenn d'an A.W. Mellon Educational and Charitable Trust e Pittsburgh, ha goude-se e voe roet da skipailh an National Gallery of Art e 1937^[1].

Diskouezadegoù al livadur

1925 — "Loan Exhibition of Dutch Masters of the Seventeenth Century", M. Knoedler & Co., New York, 1925, niv. 1^[2]
1928 — "A Loan Exhibition of Twelve Masterpieces of Painting", M. Knoedler & Co., New York, 1928, niv. 12
1995 — "Dutch Cabinet Galleries", National Gallery of Art, Washington, D.C., 1995-1996,
1995 — "Johannes Vermeer", National Gallery of Art, Washington, D.C.; Royal Cabinet of Paintings Mauritshuis, Den Haag, 1995-1996, niv. 14,
1998 — "A Collector's Cabinet", National Gallery of Art, Washington, D.C., 1998, niv. 60
1999 — "Johannes Vermeer: The Art of Painting", National Gallery of Art, Washington, D.C., 1999-2000, levrig, skeudenn 11
2001 — "Vermeer and the Delft School", The Metropolitan Museum of Art, New York; The National Gallery, Londrez, 2001, niv. 74

Notennoù

↑ Girl With the Red Hat/Provenance http://www.nga.gov/fcgi-bin/tinfo_f?object=60&detail=prov The National Gallery of Art, Washington, D.C. web site
↑ Girl With the Red Hat/Exhibition History http://www.nga.gov/fcgi-bin/tinfo_f?object=60&detail=exhibit The National Gallery of Art, Washington, D.C. web site

Liamm diavaez

An daolenn e lec'hienn National Gallery of Art, Washington

[1] Girl With the Red Hat/Provenance http://www.nga.gov/fcgi-bin/tinfo_f?object=60&detail=prov The National Gallery of Art, Washington, D.C. web site

[2] Girl With the Red Hat/Exhibition History http://www.nga.gov/fcgi-bin/tinfo_f?object=60&detail=exhibit The National Gallery of Art, Washington, D.C. web site

[1]

[2]